CoCo＠少女標本原來堅飲得　生日準備出海玩

組合少女標本和Rubberband昨晚出席音樂派對，少女標本的三位成員表示首次參加由烈酒品牌贊助的活動，成員Jessica（簡淑兒）和Kabby（許雅婷）都自稱酒量麻麻，而學過調酒的CoCo（袁紫僑）則在隊內酒量最好，在活動上更與粉絲進行調酒教學，而7月10日生日的CoCo就話約好朋友一齊出海玩，又自爆本想去法國現場睇歐國盃，可惜因為檔期太密未有時間：「我本身喜歡看籃球，今年開始留意足球，今屆特別睇好比利時。」問到到時可會約兩位姊妹一齊睇波慶祝生日?三女笑言一齊睇波太男人，怕CoCo被足球搶去風頭。