【快樂中年】阿澤早年經歷大病田蕊妮深刻體會：懂愛惜自己唔容易

田蕊妮（阿田）今日（8/3）以嘉賓身分亮相無綫綜藝節目《快樂中年》錄影。阿田笑言說：「其實自己都搞唔清咩叫做中年人士，有人話長命百二歲啦，咁60歲先係中年，可能要我離開呢個世界嘅時候先答到你，要喺中間拉返條中間線先知道我嘅中年係咩，咁所以我相信每個人都有佢屬於自己嘅中年。」

阿澤（杜汶澤）早年經歷過一場大病，令阿田有著深刻的體會，原來健康比任何事都來的珍貴重要。阿田表示：「我哋兩個會一齊行山，原來你會發覺香港有好多好靚嘅地方，而呢啲地方我哋係冇察覺到，到你行山嘅時候見到，真係覺得好靚，所以依家會好好珍惜同家人相處嘅時候，亦要懂得愛惜自己，要自然而活，要懂得錫自己原來真係唔容易。」