關心妍誤信偏方為發燒囡囡沖凍水涼降溫：結果凍到嘴唇發紫入醫院

為人父母最擔心的當然是小朋友生病了，身為媽咪的關心妍 (Jade) 日前就透露女兒楊榮心早前患了感冒發燒，令她十分憂心。Jade說：「我第一次咁驚，囡囡持續發高燒唔退，以為佢中咗流感，好彩原來佢只係普通感冒。」而當時她為了想讓囡囡盡快退燒，除了有帶囡囡去睇醫生服食醫生開的藥之外，她亦有採用一些偏方來嘗試幫囡囡退燒。

她表示：「我睇咗坊間唔同嘅退燒偏方，試過幫佢沖凍水涼嚟降溫，睇下佢會唔會退燒，不過凍到佢個嘴唇變咗紫色，最後結果都係要送佢入醫院治療先至無事。」她謂醫生之後為囡囡開了抗生素，服藥後現已痊癒。有網民看完有關報道後，都留言話做父母一定要好小心，唔可以亂咁為小朋友試這些偏方治病方法，擔心之餘都要保持頭腦清晰。

一齊睇下Jade同佢囡囡嘅溫馨靚相。