劉愷威原來已入行25年　與第七期藝員訓練班同學聚會友情不變

好多香港人都係電視汁撈飯長大，有啲藝人忽然消失，以前可能係轉行，𠵱家更多係北上發展，仲可能早已攀上一線。劉愷威近年喺內地套套戲都做男一，自組工作室做埋製片，雖然去年同楊冪5年婚姻宣告離婚收場，但劉愷威反而好似多咗時間留港，陪囡囡小糯米之餘亦同一班相識多年嘅好友共聚，呢日又同藝訓班同學見面。

當年入行時劉愷威頂住「劉丹兒子」光環，一嚟已經加入《真情》劇組，但其實佢當年仲係TVB第七期藝員訓練班學員之一。呢日吳家樂上載幾張照片並留言話：「第七期藝員訓練班同學仔，不經不覺我們已經相識了25年。」眾人中大家比較熟悉嘅有劉愷威、陳彥行及吳家樂，兩位男士都已為人父但依舊童顏，估唔到咁就入行25年啦﹗

點擊睇更多劉愷威25年來不同時期作品劇照：