屢傳應采兒有喜　陳小春終回應傳聞：多謝你哋

陳小春昨日（25日）出席德晉集團春茗活動，關於他將會繼續在內地舉行演唱會，小春表示：「其實過年前都做左幾場㗎喇，基本上成個rundown熟晒㗎啦，只不過過咗個年之後呢，你過年就會食嘢啊，但好在我自己有keep住做運動。我覺得（演唱會）ok嘅，反正仲有成個月。」

小春一向跟鄭伊健和錢嘉樂等人非常老友，但他就表示若果要找他們擔任自己演唱會的嘉賓是一件難事，他說：「請佢哋做嘉賓？好難㗎！呢個喺柬埔寨，呢個喺馬來西亞，呢個又要開演唱會，好難請佢㗎嘅。但係如果一搵佢哋，我諗佢哋都應該義不容辭嘅。」

小春太太應采兒被屢傳有喜，會否都想生個豬女？小春說：「多謝你哋，承你貴言。係咪豬女，我唔知啊，如果有喜事我一定第一時間通知你哋。」小春也補充造人大計還在努力中。