【3日2夜】陳詩欣鍾晴浸溫泉派福利　網民焦點反落在行山

《3日2夜》和歌山篇，由陳詩欣（Eunice）、鍾晴（Karlie）兩位好姊妹主持。素聞日本和歌山風景猶如仙境，熊野古道、和歌山城遍山紅葉，一看果然所言非虛。不過，大部份男性觀眾觀賞節目美景之餘，同時亦十分看重女主持（或者男主持）幕前演出如何。畢竟靚人配靚景才是《3日2夜》的傳統，而日前（2月23日，第三季第一集）的和歌山篇，兩位女神變裝參拜熊野古道，還有「一泊二食」圍著浴巾浸溫泉，泛出陣陣「仙氣」又確實沒有令大家失望。

浸溫泉上鏡怕男友呷醋？　陳詩欣：意識都唔係差！

對於浸溫泉，以性感示人，陳詩欣就表示圈外男朋友不會介意：「我覺得佢應該唔會介意，因為做嘢吖嘛，同埋呢個係旅遊節目嚟㗎嘛，浸溫泉係好正常嘅。」另一位主持鍾晴對於浸溫泉的畫面卻有不同的見解：「我又唔抗拒浸溫泉，因為係健康性感，個意識都唔係差，同埋我都冇拍拖，所以冇所謂啦...」

網民討論焦點　不在浸溫泉而在行山

不過，入浴浸溫泉泛「仙氣」其實並不是網民的焦點，大部份人反而集中於兩位主持水上泛舟以及步行上山的畫面。有網民提出疑問：「點解行山都要高抄（指鏡頭從上而下拍攝），又要拉低件外套個拉鏈？」意指女主持為收視而故意Show Off（炫耀）身材。陳詩欣接受《香港01》訪問時，回覆了有關疑問：「我哋行山行咗好耐，其實真係冇預計會咁熱，因為我哋真係由山腳行到上山頂。我哋以為係冬天會好凍，仲貼咗好多暖包喺身，點知原來係好熱。」

【3日2夜】2018年收視排行榜公布 陳詩欣、陳睿雯拋離張曦雯奪冠

【3日2夜】楊潮凱成男同性戀測試準則 自嘲係「臘肉」：多謝抬舉

更多精彩圖片：

陳詩欣直言驚水　頂硬上玩立式划槳

除了以上兩個環節之外，其實在串本海邊玩立式划槳（Stand Up Paddling）也是亮點之一。陳詩欣：「真係我好難克服嘅一樣嘢係（玩）水，上次韓國篇去玩水上樂園，諗返起其實都係好少事。始終水上樂園深極都有限，但係今次係喺個大海度玩浮板。」為何「驚水」？她直言不諳水性內心沒底：「唔知點解，我覺得喺水上面好冇安全感！」不過同行的鍾晴上就顯得十分自如，還在浮板表演一字馬做瑜伽。「嗰時天氣太凍，一跌落去就會好凍，所以拍完個環節之後我哋兩個都冇掂過水。」

【3日2夜】湯洛雯粗暴餵食塞蜜瓜包入口 朱千雪一句反擊篤中死穴

【3日2夜】教劉穎鏇摸柱要「塞入個窿」 江嘉敏追問「濕」係點解

畫面截圖：