陳瀅被外婆催婚溫哥華置業　女神已畀首期：要供樓好大壓力

陳瀅今日（18/2）出席飲食集團在銅鑼灣舉行的分店開幕典禮，即席與現場賓客分享各種甜蜜婚宴構思，現場氣氛熱鬧。陳瀅表示假如將來要結婚時，都會順應未來老公意思去做：「因為自己都唔係要求高嘅人嚟嘅，本身係天秤座，所以好多嘢都變得好隨和好隨意，咁所以對方鍾意搞大個婚禮咪搞大囉，如果佢想淨係簽紙我都Ok㗎。」

陳瀅外婆年屆92歲，心中有兩個願望，第一個願望希望見証陳瀅結婚，第二個願望希望她擁有自己的物業。陳瀅笑言：「婆婆第二個要求，我已經應承咗佢，已經喺溫哥華買咗樓，間屋樓價過百萬港元，我已經畀咗首期，我以為置咗業會係好開心好驕傲嘅事，但原來唔係，係好大壓力，平時鍾意同啲朋友走圍去，走圍食嘢都得，但依家嚟近呢一年就要勤力啲做嘢，之前仲諗住喺香港買樓，如果要買就要重新儲過錢。」

更多陳瀅的活動靚相：