古天樂為演藝人協會開發手機App　廣告及電影商搵藝人去App就得

古天樂今天（11日）出席《金龍醒獅賀新歲》活動， 大會也在活動中送上「金色麥克風」送給古仔，望古仔來年會獻唱更多好歌給粉絲，古仔笑言：「返到去沖涼又唱，瞓覺又唱，公開嘅話就我喺屋企唱大聲少少，你睇下喺我屋企門外聽唔聽到。」

古仔作為長子嫡孫，新年很多傳統習俗也是由他負責，他直言最重要是和家人聚在一起吃飯，不過古仔透露新年最喜歡做的事一定是拜年：「因為好多親戚，親戚又帶朋友上嚟，親戚又會影張相，派完利是又影，自拍又影寶麗來又影一張然後再簽名，其實來來回回都兩個鐘，不過真係好開心，因為得新年一兩日可以見見大家。」

而身為演藝人協會會長的他今年也開發了一個手機應用程式幫助有需要的藝人，大概用了多少金錢開發古仔就不透露，不過他也簡介這個應用程式：「希望通過呢個App介紹藝人畀大家認識，藝人擺消息係呢個平台，同時都會聯繫到其他平台，如果廣告商電影商想搵藝人都可以靠呢個App，有咩戲需要咩藝人你去報名又得，佢嚟搵你又得！」