【年初四】過百藝員開工　陳山聰連踩12粒鐘成開工王

「開心嘅時間過得特別快！」轉眼間一連三天的的假期完結了。大家這三天的假期無論是去拜年﹑到處去玩，或者只是在家睡覺煲劇，都過得非常充實吧。不過跟全香港所有的打工仔一樣，假永遠不會放夠，覺永遠不會睡飽。今天就是傳說中《行運一條龍》裡的「年初四咁嘅樣」，即是什麼？就是「假又放晒，錢又洗晒，工又要返﹐點會好樣呢」……正所謂藝人都是普通人，今天《香港01》記者就到了TVB電視城，帶大家看看一眾藝人放完幾天假的「年初四」樣吧！

馬國明「復工」由1530踩到2500

早幾天過節，馬明表示他的親戚們都住得很遠，所以早幾天去拜年都像走了香港幾圈一樣。他又說︰「係啊，其實今日都唔想返工，我嘅心情都仲放緊假。」那女友黃心穎有沒有到他的家拜年？「食咗餐飯咁囉。（佢有無買啲咩特別嘢送畀「未來奶奶」？）秘密！」說回工作，身為《降魔的2.0》的男主角，拍劇時間當然是很緊湊，今天一復工就要拍至凌晨一時，認真辛苦！

呂慧儀笑言新年「主力煮嘢畀仔仔食　其次我食佢啲下欄嘢」

呂慧儀（阿蟹）說她的年初一至三都是在吃和睡中度過，所以「很吸收（脂肪），咁依家初四咪開工囉，開工咪瘦返啲囉。」她又說︰「新年主力係整嘢畀阿仔食，其次係食佢啲下欄嘢。咁都開心嘅。」仔仔過年也有日玩夜玩，睡眠時間都日夜顛倒，但難得放假，也容許他放肆一下！今天「復工」，阿蟹表示︰「好彩之前瞓足幾日，今日要返工都仲有啲精神！」今天她就繼續拍《愛．回家之開心速遞》。

陳山聰嘅「年初四樣」竟然係笑到見牙唔見眼？

陳山聰表示︰「初四咁嘅樣其實都好開心嘅，今年一嚟就已經有好開始，希望我哋《唐人街》拍攝順利。」年初一到今天，山聰也有積極運動keep fit為拍《曼谷唐人街》。因為此劇也需要他要有很好的身形。雖然要今天要由1400直踩至2600（即下午2時至凌晨2時），但山聰笑說︰「返嚟可以派下利是畀同事，同大家拜下年，都開心嘅。」一於無懼年初四開工的挑戰！

伍允龍甫「復工」即除衫拍《曼谷唐人街》

伍允龍稱為拍《曼谷唐人街》，今個新年什麼都不可以吃，「今日年初四啊嘛，唔知點解好開心TVB啲PA哥哥同妹妹就安排咗初四要除衫拍出場，所以今個新年當然好開心，不過有少少失望，因為無得食嘢，我最鍾意食嘅蘿蔔糕同年糕都無份食，睇人食。」大呻可憐。不過，他說年初二也有跟張曦雯等藝人朋友去飲個茶應應節。

唐詩詠「復工」繼續拍《曼谷唐人街》︰最緊要快啲拍完！

唐詩詠搞笑說︰「好好啊，初四又開工啊，好好啊，我食咗太多嘢喇今年，我要快啲返工！」她又說他們拍劇通常不是計一天拍多少個鐘，多數也是一天接一天地拍，然後就是計每天「可以有幾多個鐘瞓」，但她說都已習慣。新年休息足夠後，今天又可以繼續精力充沛拍《曼谷唐人街》。

點擊下圖睇更多藝人們嘅開工大吉相啦！