佘詩曼想轉搞笑路線拍喜劇 恨與周潤發合作：拍乜都得！
撰文：吳子生
出版：更新：
佘詩曼今日（7/2）出席大年初三在沙田馬場舉行的「農曆新年賽馬日」開幕典禮，同場有玄學家李丞責及歌手菊梓喬到場站台支持，與一眾騎師向市民拜年賀新春。阿佘表示自己曾經都有想過做馬主，但知道並不容易：「本身自己對馬匹都不太認識，如果要揀一隻合心水嘅馬係好難，如果到時真係想做馬主嘅時候，唯有請教朋友幫我揀，但騎馬對我嚟講又好好玩，又好刺激，啲馬好聰明如果佢知你唔識騎，佢會整蠱你。」
+4
阿佘今日出席完活動後，又要起程飛往橫店繼續趕拍戲。阿佘笑言：「今次飛返過去都可能要忙都年中，不過期間都會返嚟香港做嘢，都會上上落落嘅，另外自己都好想拍下喜劇試下唔同嘅嘢，有一位我好想同佢合作拍戲嘅人就係發哥（周潤發），如果可以同佢合作，拍咩都可以，拍乜都得好期待有呢一日呀。」