【聽者有意】杜之克靠港視舊將拍「優質劇」 珍姐出品降格堅係嬲
撰文：林通賢
出版：更新：
電視城5樓清空 組新班底
《警界綫》、《三面形醫》等這些港視劇集，曾經令香港人重燃睇港劇的慾望，雖然無綫集團總經理李寶安，曾經表示港視加入會拖垮整個免費電視業，但早前新紮無綫助理總經理杜之克，卻以外判形式邀請這兩套劇的編審和監制朱鏡琪、關樹明及其班底回巢，還專誠清空了製作大樓五樓給他們作製作基地，開拍網劇《不懂撒嬌的女人》，主角有林文龍、宣萱、王浩信、唐詩詠。
珍姐：「即係我個啲係膠劇呀？」
據知大台今次拍新劇全部用港視的單機兼實景拍攝製作模式，有新意本來是好事，但由於該劇組經常標榜自己專做優質劇集，劇組台前幕後亦經常覺得自己高人一等，更因為「優質」這個詞語，觸動了助理總經理（戲劇製作）曾勵珍(珍姐)的神經，而珍姐旗下的監制、導演都覺得所謂優質不太順耳，覺得作品被降了一個位置，知情人士更引述曾姐十分不滿說過：「即係我個啲係膠劇呀？」
雖然一班港視舊將自我感覺良好，不過這套「優質」劇集暫定只在myTV SUPER播放，暫時不會影響到珍姐數碼81台（翡翠台）的地盤。事實上珍姐旗下的劇集《一屋老友記》本週首播，收視重回24、25點，挽回之前《瑯琊榜》得16點的不振收視，其實所謂單機拍攝、全實景製作是不是就等於優質呢?韓劇、美劇都有廠景，亦有多機拍攝，製作一樣優質，重點是，宣萱在新劇會不會再做人質先？