【張學友演唱會】尾場完美落幕　學友爆叫停原因：我想繼續進步！

張學友《A CLASSIC TOUR學友．經典世界巡迴演唱會2019香港站再現篇》今晚（29日）落下帷幕，學友連唱40首膾炙人口的金曲，同大家分享肺腑之言，可以在香港結尾，學友也倍感開心。其實這個演唱會不止是學友個人巡迴演唱會紀錄，也是華人巡迴演唱會的最多紀錄，相當犀利。

歷時兩年三個月零八日時間，巡演97個城市，走過233場，這個Tour經歷了這麼長時間，學友也說「唔成為人生嘅一部分好難」，現在圓滿結束，學友笑言自己「有種失業嘅感覺」，第一件事就是想「聽日點呢？下個禮拜做咩呢？」似是失去人生目標一樣：「現在完全冇方向，因為過去兩年幾嘅生活係非常非常有規律嘅，從起身到食嘢，練歌嘅時間到表演嘅時間都非常有規律，而家冇嘢做，心裡面真係有啲驚，希望可以快啲投入家庭嘅角色先，再諗下一步做咩。」

其實這個巡迴演唱會的特別之處不止是時間長、經歷多，更是學友出道35年以來，800幾場騷裡面最滿意的個唱：「最主要個原因係因為所有嘅諗法，佢哋（團隊）都照我嘅諗法去做，咁所以嗰陣時，你會覺得全部啲嘢都同自己有關係，嗰個滿足感比以前大好多。」

除了學友的歌聲引人入勝之外，學友的服裝、舞台、燈光等也是巡演裏面的亮點。今次的舞台由學友本人構想，工程總監李國海先生負責搭建，學友說：「呢個舞台帶到過法國英國新加坡日本……要將香港模式演唱會帶到去世界各地。」整場騷學友一共換了9套服裝，款式分浴袍式外套、西裝套裝，以及燕尾服，件件都別出心裁，堪比一場fashion show，原來負責創作暨美術總監的是奚仲文先生，陳華國先生負責設計服裝，學友透露：「今晚嘅衫全部係新衫，趕製出嚟嘅，都係第一次着！」而全場的燈光也非常絢麗，鐳射、小燈泡等變幻莫測，五光十色，連螢光棒也隨著節奏變化，可謂是一場視聽視覺盛宴。

眾所周知，學友對演出的要求非常高，現場大大小小的燈光好比一場匯演，絕對落足心思。「如果你哋有睇開頭，其實一路喺度進化，到今日已經進化咗好多，如果你有睇我唱歌，都應該發現我唱歌方法係進化緊嘅，即係喺嗰個過程裡邊。咁我自己覺得開心係大家成組人一齊去進化嘅，咁而家嘅燈光，香港特別加多咗個燈嘅，比海外仲要多咗，咁我覺得喺香港睇真係好抵睇，香港係我去咗嘅飛最平嘅地方，然後係最多嘢睇嘅地方。」學友笑謂。

學友用了大約10分鐘的時間，在台上多謝台前幕後的所有工作人員，儘管他表示事前已告知自己要控制情緒，但說話講到中途，他也難忍淚水，幾次哽咽，百感交集：「係，係唔捨得。我叫停嘅原因，係我想繼續進步，同我成個團隊好開心繼續落去，我好想好想喺我覺得我仲可以進步嘅時候，去做多啲嘢挑戰我自己，this is my pleasure to work with you guys！」

雖然當晚沒有10次encore，不過學友都兌現承諾「唱到盡」，連唱14首經典金曲，全場一齊大合唱，氣氛high爆，觸動人心。

點擊下圖觀看演唱會情況：