香港樂壇風光不在 ？　周啟生：要自我檢討下

首屆「登堂入室歌唱比賽」今晚（26/1）假九龍灣展貿Music Zone舉行總決賽，入圍總決賽參賽者有11女5男，年紀最細有12歲的鍾柔美，參賽歌曲有《世上只有》。今晚評判之一的周啟生表示，參賽者要記住「一字記之曰︰心」：「最緊要有心，如果用心唱歌走晒音甩晒板都係好聽，如果唔用心只係靠表演自己呢，再叻我都唔會畀多分，如果佢哋能夠在唱方面加感情同台風，結合埋音樂就好靚。」

隨著網絡平台開放，樂迷接觸音樂渠道寬闊，香港年青人不需局限聽「廣東歌」，然而近這十年間，「韓風」大行其道，紛紛轉移聽韓國歌曲，因而廣東歌日漸萎縮，有人說香港樂壇已死。周啟生坦言：「香港人要努力啲啦，唱歌要努力，作曲要努力啲啦，如果真係好似以前咁，有好多好聽嘅歌，有好多好叻嘅歌手，我哋就可以帶領成個亞洲，如果個問題出現咗，咁我哋係咪要自我檢討一下。」