《開心速遞》吳偉豪樂同周嘉洛繼續hehe派糖：睇編劇點樣寫

無綫處境劇《愛·回家之開心速遞》收視報捷，這夜舉行祝捷暨團年晚宴，於劇中飾演朱凌凌的吳偉豪亦有出席。朱凌凌與Miss Tong (楊秀惠飾) 的感情線經已完結，不過他在劇中仍有另一個CP對象，就是他的好兄弟金城安 (周嘉洛飾) ，兩人不時會在劇中大搞hehe情節，觀眾同網民亦都非常受落，甚至當正兩人是一對CP，睇得好開心。對此，偉豪表示：「希望可以拍多啲觀眾鍾意嘅嘢，帶多啲歡樂畀大家，主要係睇編劇點樣寫。」

問到他可會介意演這類hehe鏡頭，他說：「做演員拍劇無得介意，要跟住個劇本去做，投入朱凌凌個角色。(驚唔驚到最後真係會同金城安成為一對？) 如果係咁樣寫咗都唯有接受。」他又謂想劇入面有個女朋友，但明白到不能夾硬加插，要順其自然。新一年除了拍劇，他也想玩返音樂：「我有玩結他，玩咗有一年多啲，想自彈自唱。(想向歌手方向發展？)又無諗咁多住，要做好手頭上嘅嘢先。」