眾星雲集無綫重頭劇《賭城群英會》　馬國明︰冇得咀佘詩曼可惜

馬國明（馬明）、佘詩曼（阿佘）、黃浩然、陳法蓉、麥明詩、何浩文及文凱玲（Connie）與導演王晶出席無綫重頭劇《賭城群英會》，現場可謂陣容鼎盛。導演王晶在會上提到上次為TVB執導的廣東話電視劇已是1982年的《千王群英會》，所以事隔35年感覺非常強烈，希望TVB遇到挑戰都會愈戰愈勇，為TVB感到驕傲。

馬明在劇集中與阿佘飾演情侶，但兩人卻沒有親熱戲，馬明笑言可惜：「希望有下一次，作為演員也很難刻意要求，都是劇本寫了才做。不過和阿佘在劇中的感情都比較複雜，彼此都深愛對方。」而眼見馬明消瘦了不少，在內地拍劇是否很辛苦？「又不算是，香港和內地都好熱，不過我另外有拍《心理追兇Mind Hunter》，可能自然瘦。」

否認緋聞 幫Connie抱不平

問到有報道指同劇的Connie心儀馬明，他聞言就話：「笑下就算，我自己又feel唔到，唔係好覺，她都有跟我講，不過我覺得有緋聞都好正常，但報道話女仔追男仔好似唔係幾好，如果係男仔追女仔就會好啲，幫佢抱不平。」馬明亦大讚對方性格不錯，不過同劇比較少有對手戲。

至於Connie聽到馬明為自己抱不平，表示感激，「其實我覺得好似唔係幾好，因為馬明的形象好好，佢幫我抱不平好多謝佢。」問到馬明是否她理想的類型？「沒有特定的類型，如果要揀對象，都視乎大家是否合得來，（有無話咩性格適合？）都係溫柔細心，但最緊要自然發生，不會刻意追求。」Connie對於自己首次拍劇感覺好開心，家人都十分期待她的演出。