李佳芯跟風買桃花慶「肥年」　女神最怕冇桃花運：好似青春咁流失

李佳芯（Ali）今天（17日）與馬國明出席賀年活動，Ali在台上聽到馬明分享，指新年一定要買桃花，Ali接受訪問時笑言要跟著買一棵回家：「我覺得呢幾年好幸運，人緣都算好好，但我成日覺得桃花同青春一樣係要Keep，我唔想流失，所以由今年開始Keep都幾好，同埋啱啱聽馬明講要兜桃花圈，咁我未試過咪試下。」

事情愛情兩得意，享受豐收一年的Ali，直言也是「肥年」，她說：「我真係肥咗，因為啱啱完咗套劇有得休息可以瞓覺，我塊面真係圓咗，我算係過咗一半肥年。」

享受會過「肥年」的Ali，更計劃回饋給長輩：「其實由上年開始已經有封利是畀長輩，同埋你哋（記者）都要啦，我上年都派緊，咁今年會畀上年大封少少，咁開大家一起開心好緊要。」