康華正式做Rapper女歌手　47歲新人出道 ：係一個good timing

康華今日（17/1）出席在尖沙咀舉行的新歌《火拼花》發佈會，並正式簽約加盟《環星娛樂》做歌手。一眾好友湯鎮業、陳煒、姜皓文、鄭子誠、張文慈等人到場支持，場面星光熠熠，氣氛熱鬧。康華緊張說：「我琴晚冇訓過，其實幾晚都訓唔着，不過咁啱呢排都好梗劇，可以分散啲注意力，因為有好多嘢要籌備，瞓唔着都係正常。」

康華40有7踩入樂壇做Rapper推出處女新歌《拼火花》，會否覺得太遲？康華表示：「其實我冇諗過會做歌手，亦冇諗過唱歌會受網民及觀眾嘅喜愛，嘗試過好多次，原來好多人都鍾意，跟住我再試下反應又ok喎，音樂人士聽咗又得喎，先至有呢個機會，係一個good timing!」擔唔擔心畀人話踩入樂壇分一杯羹？「我諗唔會嘅，其實我係呢行相處咗好多藝員朋友呀，或者就算歌手都好啦，其實每一個人都好心胸廣闊嘅，我唔會覺得佢哋唔會有呢種諗法。」