張栢芝拍片首談產後感受以及豬年願望　最不想自己變成......

靚媽張栢芝於去年 (2018年) 底誕下第三個仔仔，第三度榮升做媽咪，栢芝產後個樣感覺完全無肥到，依然面尖尖好瘦好靚，她早前去旅行時於機場影的相，亦見到她對腳同以前一樣咁纖幼，不過原來她也很怕會變肥。踏入2019年首日，她就於微博上載一段賀年短片祝大家新年和豬年快樂，還首次講她生B後的感受以及新年願望。

片中的栢芝用app將自己變成一隻粉紅豬，用普通話先祝福大家：「豬年身體健康、幸幸福福、願意成真、2019年發一個大財！」之後她就講自己的豬年願望表示：「我自己啦，就希望不要變成一頭豬，因為我剛生完小孩，我要愈來愈瘦，這個就是我的願望！」最後還送了一個飛吻給大家又話好愛大家。其實栢芝呢個豬年願望亦是大部分女生的願望呢。