【萬千星輝】馬德鐘入行首獲TVB頒獎感激動：獎項好似離我好遠！

馬德鐘昨日（16日）在TVB《萬千星輝頒獎典禮》憑住電視劇《跳躍生命線》首次奪得視帝寶座，「馬神」坦言首次在TVB得獎很高興：「其實喺TVB任何獎都冇攞過，心情係好激動，因為獎項一路好似離我好遠，今日可以好踏實咁揸喺手度，我好感恩。」

他又指，自己見到一班《跳躍生命線》演員為他感動流淚有很深感受：「原來你用心做一部戲，其他演員係會用心感受到你嘅誠意，佢哋都好戥我開心，佢哋都好想我攞，我亦都好怕佢哋失望！所以我一路都用好平淡嘅態度去面對呢個獎。」

馬德鐘指這個獎並不是一個終結，而是一個嶄新的開始：「我會擺喺屋企警惕自己以後每一日做任人、做戲或者做事，都要做得更長久。」他亦表示希望憑自己視帝的身份，日後拍些能給觀眾帶來正面訊息、讓他們反思、而且充滿意義的作品。