華姐亞軍林宣妤首次在港過冬天 ：我可以著得靚啲出街！

2017年中華小姐亞軍林宣妤（Serene）昨日（11日）出席護膚品牌活動，來自馬來西亞的她表示因為剛來到香港三個月，所以皮膚還未太適應香港氣候，令到面上長了一些粒粒。香港的冬天與馬來西亞相比熱得多，有沒有不習慣？「係啊會好凍，但係我鍾意咁嘅天氣！我可以著得靚啲，有多啲layer（層次）咁著出街，可以著吓外套配搭，我就鍾意牛仔褸。」

雖然隻身來港發展令Serene還有些不習慣，但是加入TVB藝員訓練班後認識了些新朋友，更與余思霆展開了融洽的同居生活：「我哋雖然冇話邊個要清理個屋企，但係有垃圾佢又會幫我執，我睇到佢未洗碗我又會幫佢洗。」她笑稱她們兩個女仔都好整潔，但如果要揀，應該還是自己比較污糟，因為Serene經常都會煮飯令到廚房有點亂。

Serene表示劇集《她。她。她的少女時代》剛剛開鏡，首次拍劇的她雖然很緊張，不過幸好可以與好朋友余思霆一起對戲，她感覺很有趣。而她亦透露來年1月亦會開拍《極度怪咖》：「戲份會重少少，所以要更加畀心機學好自己廣東話。」