隋棠第三胎隨時卸貨 9個月孕照曝光惹哄動：公平嗎﹗
撰文：洪曉璇
出版：更新：
被喻為最幸福人妻嘅隋棠，15年下嫁圈外老公Tony之後，先後誕下一仔一女湊成好字，老公仲要唔係豬隊友，工作再忙都親力親為落手照顧小朋友。依家隋棠陀住第三胎Olie，更加升格女皇般待遇，數數手指已經懷孕9個月嘅佢一張全身近照曝光，更引發網友連番讚嘆：「實在係同人唔同命呀﹗」
懷孕期間準媽媽容易水腫，好多時體重都升到人生高峰，有時衫都要買大兩個碼先啱著。不過隋棠就完全違反呢個定律，佢上載多張同老公以及仔仔嘅合照，原來Tony喺自家韓國餐廳安排聖誕老人駐場，氹得囝囝相當開心。但網友最留意嘅就係懷孕9個月嘅隋棠腹部只係微微隆起，手腳非常纖幼長腿依舊係模特兒般好身材，網友紛紛洗版：「快生了這樣合理嗎？」、「孕婦身材怎麼這麼不科學啊！」、「腿太細了吧﹗」零孕味實在羨慕死人。
婚後隋棠一直被老公捧在掌心寵愛著，之前陀住第三胎到歐洲工作，老公都全程陪伴做助手，其中一張喺售票機前攬住老婆嘅相，更被網友笑指：「好似深怕老婆被搶走一樣。」凌晨一點大肚婆覺得肚餓，不善下廚嘅Tony亦義不容辭起身「煮個麵你食」有個幸福家庭陀B又唔會肥，簡直羨慕死人呀﹗
+10