【大帥哥】張衛健式節奏只有佢跟到　曹永廉：幫吓口講幾句啫！

無綫劇集《大帥哥》未開播已為城中熱話，除了令觀眾見證住張衛健繼1996年《西遊記》後首度回歸無綫的歷史一刻之外，劇中的對白金句亦集集經典－「誰大誰惡誰正確」、「型到噴汁」等。而張衛健（Dicky）式劇集最大的特色，是他氣場太勁，令大部分劇情都似是他一個人的獨腳戲，其餘所有角色仿佛變成閒角，例如《西遊記》、《小寶與康熙》、《少年張三豐》等，無一不將焦點放在他的身上，而《大帥哥》亦貫徹傳統，被Dicky搶盡風頭。

與張衛健鬥戲輸硬？

《大帥哥》播至第五集，很多主要角色都已經出現，洪永城、徐榮、李嘉等，在與Dicky同場的情況下，實難以蓋過Dicky的氣勢，再加上張衛健式的對白，既字字珠璣又滔滔不絕，與他對戲的確有不少壓力，隨時會被他的氣勢完全覆蓋！不過唯獨由曹永廉飾演的顧落蘆能抵擋得住！

曹永廉與張衛健對得上嘴

由曹永廉飾演的顧落蘆原是麥先根（彭懷安飾）的軍師，後來會加入狄奇（張衛健飾）陣營，顧落蘆與狄奇初次見面即擦出火花。劇情講到顧落蘆到訪由狄奇鎮守的昇威鎮，在「雜崩冷館」對貨品諸多挑剔，結果與館內的狄奇展開一連寸鬥嘴，而顧落蘆的氣勢一點都不弱，無論語氣同表情都非常到位，甚至比狄奇更強！

點擊下圖逐格回顧：

狄奇拉攏顧落蘆的一幕同樣精彩：

曹永廉：我見到個個都唔驚！

能拍得住張衛健，曹永廉不敢獨攬功勞，卻歸功於劇本：「我劇入面個角色係一個好有智慧、好有才華嘅人，所以我見到個個都唔驚，包括狄奇。（只有你能夠拍得住？）假象嚟嘅啫！其實劇入面個個都咁勁。」不過阿廉在接受《香港01》記者訪問時，亦透露在開拍之前已感到壓力：「個壓力係喺自己度，佢（Dicky）難得返嚟拍劇，無謂累咗佢呀嘛！其實我都係幫吓口講幾句啫。但確實佢係會加咗好多佢自己嘅元素喺入面，可以話係畫龍點睛嘅，有好多時佢都會話返畀我聽點去做，結果做出嚟又真係幾好，尤其係我同佢第一次見面嗰場戲。（你喺佢身上學到戲？）戲就未必學到，始終大家嘅戲路唔同，佢係嗰隻個腦同個口接得好好嘅演員，諗到就講到，而我亦都唔會好似佢咁演，一嚟一定輸，二嚟兩個不斷係咪講嘢都唔好睇啦！」