劉心悠客串芭蕾舞劇將首演　日練3小時體力透支：我冇資格話辛苦

劉心悠今日（8日）以一身運動裝扮出席活動，講到平時健身，心悠就熱衷多元運動，好似跑步、yoga、游水等，在飲食方面也很注重健康，不吃油、鹽、糖、澱粉等，但為了接下來的演出，她就要增加一些蛋白質。

下星期五（14日）就是芭蕾舞劇《胡桃夾子》的首場演出，近排都在積極練習，不過心悠就自認無資格話辛苦：「因為其實佢哋個dancer係廿幾年㗎喇，即係佢哋日日練8個鐘頭喎，我而家每一日起碼3個鐘頭，咁其實我自己身體頂唔住，突然之間去到咁長時間training，我諗for我自己體力來講係辛苦嘅，但係我都睇到呢排身體進步咗好多，我覺得唔係用辛苦去形容囉，睇你想喺入邊攞哋咩experience囉，我想攞進步，所以我覺得唔辛苦。」

演出完之後不久就是聖誕節，心悠話暫時未有放假計劃，不過就打算食餐好嘅：「因為而家都就嚟Christmas啦嘛，Christmas就會有一個好traditional嘅Christmas dinner，交換禮物，就會大食囉（同邊個呢？）今次有份幫我做好芭蕾舞劇呢件事嘅同事、朋友，多謝佢哋嘅支持。」