岑麗香結婚2年有喜訊　宣布有喜：Baby Coming 2019

岑麗香同強強結婚兩年，本月初佢出席活動時，由於「肚凸凸」嘅關係，所以大家都好關心到底係未造人成功，而當時香香就以「適當嘅時候會同大家講」作回應。而就係今日（6日），香香就透過IG公佈喜訊:「B-a-b-y coming2019!」照片中，香香同老公強強手一齊拎住件baby jumpsuit，十分溫馨。

現年34歲嘅香香，今年6月離巢TVB時，已表明係因為想投放更多時間予家庭，同埋調理好身子，想盡快生小朋友，估唔到香香說到做到，唔使半年就有好消息帶俾大家，真係恭喜晒！