朱智賢轉型全心投入演戲　勁怕畀網友「踩到我落地底」

朱智賢（Ashley）周四(6日)出席電視劇《救妻同學會》的宣傳活動，這套劇屬於週播劇，在第二集播出時Ashley有一場被綁架的場口，觀眾看完也覺得她演技很好，Ashley有留意網民的反應，感到十分開心，「其實好大壓力，好驚做唔到被綁架種感覺，現實生活中我唔會突然畀人綁架，但好彩出嚟效果好好。」

Ashley其實演戲方面經驗一直也不多，她直言還需要很大的進步空間：「好彩觀眾體諒，始終我拍劇經驗唔多，一嚟就咁重戲份，見到觀眾話ok我真係好感動，我好驚大家踩到我落地底，多謝咁多位鍾意呢個角色。」

一直擔任主持的Ashely近年轉型積極拍劇，她透露想在事業方面有更多嘗試：「我真係好有興趣拍劇，好開心有唔同嘅角色畀大家睇，我都請教好多朋友演戲，朋友都會解答我問題。」