【跳躍生命線】33.5點成全年收視王 　馬德鐘：贏咗《延禧攻略》

《跳躍生命線》雖然距離大結局已經有一段時間，但慶功還是陸續有來。昨晚（5日）馬德鐘（Joe）更自掏腰包請一眾演員及劇組吃晚飯，他說大家整個劇組都對《跳躍生命線》這套劇很不捨，而且對成績實在太滿意：「大結局最高收視係33.5，平均收視係29.3，所以對呢個成績係幾開心！」（是不是全年最高收視的劇集？）阿Joe馬上拉監製方駿釗過來回應：「其實係嘅，無論係外購定本地劇都係最高嘅！」阿Joe更直言：「講白啲，我哋係贏咗《延禧攻略》㗎！」

除了有實質的收視點數作為全年最高收視的指標，《跳躍生命線》亦一直被網民視為「最佳劇集」的大熱，阿Joe藉此不忘幫劇集拉票：「大家觀眾如果係喜歡呢個劇嘅，都可以下載個app去投我哋一票，我覺得係值得嘅！無論係『最佳劇集』，定係投畀我、或者其他演員，既然都喜歡，不妨做多步！」他直言如果能在頒獎典禮上獲獎固然開心，但假如能大家齊齊獲獎就最開心。阿Joe坦言如果得獎會令有更大的使命感：「希望可以再拍到啲比而家呢個更好嘅戲畀大家睇，我覺得係有個使命感多過我攞咗獎就去慶祝。」