【大帥哥】張衛健教非洲人講廣東話　迫黑人司機講：型到噴汁

由張衛健 (Dicky) 強勢回巢擔正主演的無綫新劇《大帥哥》終於播映了，昨晚劇中一眾演員包括洪永城、蔡思貝、譚凱琪、徐榮以及楊秀惠等，齊齊出席該劇的首播飯局，不過身為男主角兼《萬千星輝頒獎禮2018》視帝候選人之一的Dicky，就因為正與老婆張茜於非洲旅行而缺席。Dicky雖然未能夠親身到場，但也有特地拍片越洋支持。

片中Dicky表示自己好想跟大家一起看首播，然而他因為早已答應了老婆 去旅行，如果「放飛機」便會被身邊的老虎乸「擔」走，此時他就將鏡頭對住素顏的老婆張茜，好抵死。之後Dicky就落車拿住被獅子咬剩得棚骨的水牛影相，影完即跳回車上，笑言：「大帥哥都咁話，大帥哥唔係鐵打。」而最搞笑的就是Dicky還教非洲人司機用廣東話為該劇宣傳，他教對方講：「大帥哥好掂，大帥哥型到噴汁。」盡顯他的幽默本色。

一齊睇下Dicky教非洲人司機講廣東話啲搞笑相，同埋佢同老婆嘅靚相啦。