杜汶澤爆粗鬧陶君行：我一個月搵幾多錢，我同你班XX爭嗰9萬6？

杜汶澤在社交網站突然連環爆粗鬧爆「三條死茄喱啡」，阿澤指生平最憎被屈，加上講埋他老婆田蕊妮，令他直言：「我撞到你三個一定打X死你跟住我去坐監！」究竟咩事令阿澤如此激動？原來他是指網台主持劉細良、徐少驊和陶君行最近發表的言論，在節目中陶君行突然爆出：「早要踢爆杜汶澤…佢突然之間咁本土，但仲有人繼續搵佢做嘢！（佢好似冇大陸jobs，喺馬來西亞拍戲）佢老婆有，無理由唔封殺佢！你杜汶澤咁過癮，你老婆又繼續有大陸劇、廣告接，你杜汶澤仲可以繼續發癲？」

有心水清的網友即時留言：「佢唔係忽然本土，佢本土咗好幾年！」和「澤哥真係好慘！明明無對選舉表達過咩意見，傻佬輸了選舉要清算你。」等。嬲到一頭煙的阿澤亦忍不住再留言：「 我一個月搵幾X多錢啊？我同你班XX走去爭嗰96,000？我X你XX。」和「我保證三拳之內打X死佢！」