【是咁的，法官閣下】面對男兒淚點算？麥明詩心軟：試過分唔到手

麥明詩（Louisa）、黃子恆，以及一眾劇中演員昨日（28日）在中環街頭為劇集宣傳，快到大結局，劇中Louisa和子恆的關係還沒甚麼大進展，令一眾網民不禁為兩人著急。

Louisa指劇中Helen主動攬住賴律師已經是好大的進展：「其實我睇返我都覺得，點解我咁主動嘅？我諗緊如果佢拒絕我咁我點啊？」她直言自己拍拖時雖然不會主動攬住對方，但卻會敢於「試水溫」：「如果佢又無好大反應咁我會退一退，如果佢又試下我，我又會試返佢！」子恆稱相比起轟轟烈烈的愛情，自己比較喜歡平淡寫實的浪漫，而且自己面對愛情會比較被動：「我好驚會表錯情，我要真係確實到你係有啲嘢先會再進一步，如果唔係就無㗎啦。」

子恆說如果男人在對方面前哭是很大的提示：「始終男仔呢一面盡量都唔會畀人睇到，但如果畀你睇到，都係一個signal嚟。」Louisa自爆試過因戀愛對象流淚令她心軟：「佢喺我面前表露軟弱嘅一面，係因為好鍾意我，我會好感動。一個男人肯為你喊，你就會再重新考慮多次，所以有時候都試過因為咁分唔到手。」