【是咁的，法官閣下】演殺人犯太變態？　陳志健爆劇組驚到打冷震

《是咁的法官閣下》今個星期六（1/12）大結局，在壓軸案件中登場的兩位變態殺人犯陳志健（Otto）和細細粒（陳嘉佳）於昨晚（28/11）一集演出非常精湛，令不少觀眾雞皮四起兼大讚兩人演得勁好！

其實二人的角色是由真人真事改編，原型是發生於2013年的大角咀肢解父母案，Otto和細細粒均表示拍攝前沒有看過事件的相關報道和影片，並花了兩小時拍攝殺人片段：「我哋拍完嗰場睇返Playback啲攝影師係打冷震！嗰場其實好恐怖，我都諗其實出唔出到街。」細細粒聞言即對住Otto說：「陳志健其實我而家望住你我都覺得你好恐怖！」

Otto又透露監製陳耀全找他演殺人犯因為覺得他和原型很像，細細粒笑說：「好似㗎，不過佢好後生！你已經畀人感覺30幾到40嗰啲中中哋老嘅感覺啦！」講到細細粒的原型已經被判無罪，她直言感到擔心：「我喺度諗，佢睇完之後會唔會搵我傾計㗎？」Otto立即安慰她：「唔使驚！我幫你搞掂佢！」