廚師腸或會永久消失　袁澧林：無你我唔會再BBQ！

「廚師腸」的足跡遍布全香港，無論食茶記、打邊爐、BBQ等，都會見到「廚師腸」的身影。很可惜，香港人的集體回憶或會面臨消失。據外國傳媒報道，「廚師腸」高級雞肉腸母公司Zacky Farms申請破產保護令，這個近百年歷史的品牌將會面臨結業。今次已經是Zacky Farms第二次申請破產保護令，不知道今次能否跟上次一樣，走出困局。

當這個消息傳出後，有不少網民都表示非常痛心，更覺得再有香港人的集體回憶消失了，就連袁澧林（Angela）都在Instagram出post抒發對「廚師腸」的愛，更希望有好心又有錢的人可以參與拯救廚師腸大行動。

Angela今早在Instagram上載了一張腸蛋米的照片，更留言寫道：「昨天得知這個惡耗 廚師腸可能將會停產 於是今日立即忍痛將餐蛋米轉做腸蛋米 雖然你跟餐肉一樣，都是不知什麼來的肉，亦不會為健康帶來太多好處，但我對你是奮不顧身的愛 塵世間又有多少人明白你們有多好味？如果這早點發生，我會將我生日願望送給你 我希望有好心又有錢的人可以參與拯救廚師腸大行動 #無你我唔會再BBQ。」

Angela確實是道出了不少港人的心聲，早上去到茶餐廳食早餐，不少人都會叫腸仔炒蛋多士。如果上菜時，見到碟上的腸仔竟然唔係「廚師腸」，你會覺得極度失望，仲會Blacklist嗰間茶記。其實「廚師腸」已經成為港人的生活一部份，就好似每次BBQ或者打邊爐唔記得買炭，都會一定會記得買「廚師腸」。如果你問我，「廚師腸好好味咩？」，我會話：「唔好味㗎，但我鍾意。」

有不少報道都指出過，食得太多加工肉類及紅肉，會引致腸癌，但因為「廚師腸」已經跟香港人的生活習慣不可分割，所以大家都會視若無睹，繼續食。唔係因為佢味道好，而係習慣咗，「廚師腸」可以話係港人由細食到大嘅加工食品，就好似午餐肉一樣，大家都未必會查看「廚師腸」或「梅林牌」午餐肉的營養價值，食嘅係嗰份情懷。

港人對「廚師腸」的感情比想像中大，就好似張志明（余文樂飾）在《春嬌與志明》中，決定要回到春嬌（楊千嬅飾），跟空姐女友尚優優（楊冪飾）分手時，用從小就喜歡吃7-11的肉醬意粉來比喻對春嬌的愛：「我小時候就很喜歡吃7-11的肉醬意粉，雖然咸了點，肉也不多，但我很喜歡吃。不知道為什麼喜歡，就是很喜歡。」