黃心穎被馬國明改名做開籠雀　預告今年台慶將收起性感

黃心穎今日（18日）以一身性感的白色吊帶裙及十寸高的高跟鞋擔任商場活動開幕嘉賓，在商場活動上經已隆重打扮，明日在一年一度的TVB台慶豈不是更不得了？心穎直言在挑選裙方面有困難，所以今年將會收起性感，穿得密實點：「會型啲、喜慶啲啦，因為其實台慶有好多好靚好性感嘅artist，所以如果見到我已經好榮幸㗎啦！」

心穎更在活動上演唱出《默契》及《後來》兩首歌，她表示自己一直視唱歌為興趣，更有秘密練兵找歌唱老師學唱歌，所以能上台唱歌表演感到高興。男友馬國明有沒有給意見？她笑稱馬明經常都會好「行」地讚賞她：「我有時喺車入面好鍾意好大聲咁唱歌嘅，佢成日都會話我『嘩！開籠雀啊！』」
 

明天台慶上將會在頒發馬來西亞及新加坡網民票選出的視帝視后，馬明更是入圍「新加坡我最喜愛TVB男主角」最後三強，有否看好他得獎？「隨緣啦！我覺得如果佢攞獎係一個bonus，我都唔畀壓力佢啦。（如果佢攞獎有無獎勵畀佢？）到時先算啦，哈哈！」