鄧佩儀激讚王嘉爾好專業 ：我有睇開佢訪問

鄧佩儀（Gloria ）今天（18日）擔任韓國節目活動的司儀，節目也邀請了韓國名模Irene Kim夥拍黃翠如來到宣傳這節目。Gloria今天見到Irene Kim表示非常高興：「我偷偷地講一個秘密畀大家知，其實我都有Follow佢，化妝我都有向佢學習，因為我本身對化妝都唔係有太大研究，所以唯一一個辦法就係上網睇多少少網紅教化妝嘅片。」

除了常留意化妝影片之外，Gloria更經常留意韓國藝人的動向，她透露其實非常欣賞一位韓國藝人：「我有留意好多唔同韓國電影、電視劇同音樂，我真係有一位好欣賞嘅男藝人，不過依家佢主要去內地多，佢叫王嘉爾，因為無論佢唔同作品或者佢音樂，我亦有睇開佢訪問，好欣賞佢專業態度，佢好值得大家學習。」

早前Gloria也渡過了自己的生日，她直言生日願望不需要給她一個男朋友：「如果係同王嘉爾合作我會好開心，其實我都係想專注工作，今年生日願望都係想多啲工作。」