【兄弟】國際級片頭製作靈感係乜？ 有一幕參考咗《英雄本色》
撰文：林迅景
出版：更新：
《兄弟》一劇，除劇情之外，亦有很多觀眾將焦點放在片頭片尾上。不少人也覺得，製作有別以往一向的片頭片尾，甚至乎高了一個層次，就連片尾的主角朱晨麗、江嘉敏亦異口同聲表示：「阿Tom拍啲嘢好靚。」
上篇文章（連結按此：【兄弟】精緻片尾搶眼網民讚 導演Tom：唔再係定格然後出字幕），製作《兄弟》片頭片尾的導演，無綫品牌傳播科高級監製Tom Chan就解釋了片尾製作的原由以及背後意思。除片尾拍攝三位女神做Gym的畫面吸引外，其實片頭三位兄弟（王浩信、楊明、伍允龍）打鬥場面亦拍攝得相當精彩。阿Tom透露，其中有一幕更是向電影《英雄本色》致敬的。
「其中一幕三兄弟大頭，我有參考《英雄本色》張Poster，亦都可以講係致敬，因為我好鍾意《英雄本色》呢套戲。（有參考其他片？睇落有啲似《Suicide Squad》或者《Kingsman》最後嗰幕）哈，你覺得似咩？都係你提起我先諗到。其實我諗Project，唔會搵動態嘅參考，因為睇得到就好容易抄咗人哋個鏡頭，我通常都係上網睇好多still（靜態）去做參考。例如上IG睇下其他人嘅插畫，睇好多好多，咁就可以刺激個腦諗啲Idea出嚟。」Tom Chan說道。
創作係由0到1，最難嘅係0到1嗰下。有1之後，23456就可以一路做落去。
Tom Chan解釋道，片頭希望給觀眾有漫畫以及打機的感覺，所以色彩較繽紛，又有「爆花」的效果。「片頭同片尾都用咗各2日時間去拍，片尾就易拍啲，片頭嘅話就喺旺角拍，會比較困難啲。因為旺角有好多人圍觀，又唔可封街拍，紅綠燈位仲要畀車過。」
片頭逐格睇：
+11