【過街英雄】麻甩江嘉敏演色誘高手　搵男友做練習對象

江嘉敏（Kaman）今晚（14日）今晚在油麻地出席電視劇《過街英雄》的煞科宴。Kaman接受《香港01》訪問時坦言拍攝非常輕鬆，因為動作場面主要不是由她負責，而令她最頭痛的，是要在戲中色誘男生：「我要扮好嬌嗲嘅聲音，對我嚟講其實已經好難，因為本身我性格係爽朗，男仔頭同麻甩少少，所以你叫我斯文同溫柔都幾考驗我。」

Kaman指自己為演好誘惑男生的場面，不斷地在家中練習，但開工時卻常被劇組、導演取笑：「我每一次做完之後Cut機佢哋就爆笑，係咁講從來未見過男人扮女人，可想而知我呢個粗魯形象已經深入民心。」她又指自己跟男朋友對話時都堅持用嬌嗲聲線：「我有問過佢係咪男仔都鍾意溫柔同嗲嘅女仔，佢話係人都鍾意，但佢話自己鍾意爽朗嘅，都唔知佢係咪安慰我。」

提到好姐妹劉穎鏇（Tiffany）的「車震」事件，Kaman直言有睇到新聞：「其實今朝有同事同我講佢出事，我嚇親，以為發生乜大事，原來係呢單新聞，我都有發短訊慰問佢，咁佢話心情OK嘅，但始終我唔想問佢咁多，唔想佢影響心情。」她又覺得「車震」這字眼有點兒那個：「佢又唔係香港長大，唔好用咁衰嘅字眼，搞到佢喊啦，係咪衰呢，當佢知道用語點解其實作為女仔好傷心。」