人妻兼人母胡杏兒水着濕身派福利　網民：為造人大計作準備？

胡杏兒日前與老公李乘德 (Philip) 以及仔仔李奕霆 (Brendan) 一家三口一齊去了馬爾代夫旅行，正處於度假mode中的杏兒，連日來亦不忘於她的IG post旅遊靚相同大家開心share她呢個愉快旅程。而其中一張杏兒回眸一笑的相入面，原本身材一向keep得好fit的她，卻突然變得臉圓圓兼身形圓潤，連對小腿都有些腫腫地，孕味極濃。

呢日杏兒又再post了另一張她同老公Philip「鴛鴦戲水」的靚相，相中的她穿上比堅尼大派福利，雖然外面加了一件白色tee，但濕身的效果顯得份外sexy，好誘人呢。粉絲同網民都留言讚她是個索爆靚媽，仲有人問她：「為造人大計作準備？」一直公開表示話想再追多個小朋友的杏兒，同老公置身於一個如此浪漫的國度，好有可能會係三個去，四個返呢！又或者杏兒同老公Philip於出發前經已造人成功，今次其實是四個去，四個返？