胡杏兒一家三口去馬爾代夫曬孕味濃靚相　唔通好快有好消息公布？

胡杏兒日前剛剛度過了她的39歲生日，在香港與一班好友舉行了生日派對慶祝，而向來好愛她的老公李乘德 (Philip) 仲特別為老婆安排了一個生日旅行，兩公婆帶埋仔仔李奕霆 (Brendan) 一家三口一齊去馬爾代夫繼續慶祝。一直公開表示話想再追多個小朋友的杏兒，同老公置身於一個如此浪漫的國度，好有可能會係三個去，四個返呢！

而杏兒就算正處於度假mode中，亦不忘於她的IG post旅遊靚相同大家開心share她呢個愉快旅程。她又留言表示今次是仔仔第一次坐飛機，一定要影相留念呢。一家三口到了馬爾代夫都玩得好開心，而其中一張杏兒回眸一笑的相入面，原本身材一向keep得好fit的她，卻突然變得臉圓圓兼身形圓潤，連對小腿都有些腫腫地，孕味極濃，唔通杏兒同老公Philip於出發前經已造人成功，今次其實是四個去，四個返？記得杏兒之前宣布陀住Brendan都post了她於馬爾代夫影的孕照，看來呢個地方好旺她生B呢！