溫碧霞遊日賞紅葉浸溫泉　呻毛巾太細唔敢影相留念

今次日本之行，Irene飛甩老公Kenny及囝囝Xavier，與幾位女性朋友全女班遊日本，去了富士山浸溫泉及東京賞紅葉，Irene拍了好多風景靚相回來，唯獨欠浸溫泉，她怕醜表示：「梗係冇影相啦，唔影得架！我哋去咗富士山浸溫泉，旅館只得露天風呂，分男士區同女士區，每位女士只得一條好細毛巾，根本遮唔到身體，都幾唔慣同尷尬。我哋見到對方得咁細條毛巾，大家都忍唔住笑咗出嚟，覺得好搞笑。不過，一路浸溫泉，一路欣賞紅葉同富士山，天氣又凍凍哋，舒服到不得了。」

Irene表示日本現在天氣最舒服，開始少少冷，但又不太凍，滿個街頭及山頭都處都是一大片紅葉，靚到不得了，她最開心在東京遇見好多之前出席東京電影節認識的朋友。除此之外，她又表示：「我仲返咗六本木間屋睇下，因為啱啱租約期滿，返去睇下間屋，及安排新租客入住，打點一下，今次真係玩到好開心。」