【迷失假期】陳麗雲首拍ViuTV劇仲係好Fit：一日拍十幾個鐘冇問題

ViuTV劇集《迷失假期》於星期一至五晚上11時30分播出，故事雖然圍繞着三個不同文化背景的年輕人，但劇中亦出現不少為人熟悉的甘草演員，其中就有飾演駱振偉婆婆的陳麗雲和飾演英菲混血兒徐㴓喬（Asha）失散多年「疑似老豆」的劉錫賢。

陳麗雲首次接拍ViuTV劇集，表示自己年紀雖大但仍很有活力：「唔好睇我而家滿頭白髮，我都仲好Fit、好捱得，一日拍十幾個鐘都完全冇問題！」陳麗雲又大讚「乖孫」駱振偉靚仔兼有禮貌，而駱振偉就被Asha大爆對陳麗雲的說話聲線比平時溫柔許多，駱振偉聞言後回應：「麗雲姐真係好錫我哋，感覺好似親生婆婆咁。」

至於劉錫賢在劇中被Asha誤會是她失散多年的爸爸，由於他職業是一名廟街大牌檔廚師，所以多在廚房裡拍攝，不過劉錫賢指今次拍攝尚算輕鬆，不太辛苦。被問到與駱振偉及Asha等年輕演員合作的感受，劉錫賢表示感覺新鮮，更盛讚二人醒目、學習能力高。