隋棠唔畀仔女過萬聖節 背後原因吸八萬贊好認同
撰文：洪曉璇
出版：更新：
啱啱過去嘅萬聖節，係唔少人攞正牌扮鬼扮馬嘅日子，就算大人唔敢畫花塊面，都會幫仔女悉心打扮出街玩trick or Treat拎糖果。見到唔少星二代造型都相當出位，但育有1子1女嘅隋棠呢日就喺IG留言，道出唔特意同仔女過萬聖節嘅原因，引起大批網友共鳴，短短17小時已經近80000個LIKES。
隋棠同老公Tony結婚後，育有一對仔女Max與Lucy，依家陀住第三胎，本以為佢係因為避免操勞而無同仔女安排萬聖節活動，點知原來係有更深層意義：「今年還沒有帶孩子們參與萬聖節活動，因為目前為止都還沒有跟他們正式介紹過鬼、幽靈、殭屍、死亡等，因為擔心他們有陰影。」
一向樂觀開朗嘅隋棠難得憂心，亦讓佢自己忍不住自嘲「這樣會想太多嗎」、「媽媽的一萬個煩惱」。養兒100歲長憂99嘅又點止隋棠一個，大批同佢有一樣想法嘅父母紛紛留言表示認同：「兒子之前跟我們一起玩密室逃脫（看到假手那害怕的表情與反應）我到現在忘不了，花了一些時間才又讓他從新不害怕。」
+9