【飛虎之雷霆極戰】蒙嘉慧急澄清非推劇半退休：其實都幾冤枉

蒙嘉慧（Yoyo）出席邵氏新劇《飛虎之雷霆極戰》的記者會，已有一段時間沒有拍劇集的她澄清不是不想拍攝：「其實都幾冤枉，我呢幾年中間自己好多受傷，我試過去滑雪左腳就韌帶撕裂，上年打羽毛球又到右腳韌帶撕裂，其實每次好番都要時間，其實中間耐唔耐都有拍劇嘅。」

Yoyo除了很久沒有拍攝劇集之外，這次能回Tvb拍劇見到一眾老友特別開心，「其實啱啱後台化妝嗰種熱鬧同大家嘅熱情真係感覺上要多啲開工，加上昨日拍完第一日之後我真係好合適拍戲，因為第一日拍就要拍天光，我依家狀態仲ok，應該ok。」Yoyo自嘲除了拍戲，中間幾年其實學了很多事，但也很「黑仔」，「我發現我適合拍劇多過學其他事，因為中間譬如學日文，我人生第一條白頭髮就係我要去考日文試，好初級嘅日文試，然後嗰日發燒加上有白頭髮，其實我好唔適合有壓力，拍戲對我嚟講會輕鬆啲。」

Yoyo劇中主要是與苗僑偉比較多對手戲，這次拍《飛虎》Yoyo除了要面對工作之外，她笑言還要面對自己身形：「其實我仲未去到我屋企嗰個（鄭伊健）對我嘅要求，佢覺得我可以再大隻啲，所以最近我哋都好勤力做運動，無話要瘦幾多，但佢係想我健康啲。」