【飛虎之雷霆極戰】「科技白癡」終於玩微博 馬國明：幫套劇宣傳
撰文：賴家杰
出版：更新：
馬國明今天（31日）在邵氏影城出席邵氏網劇《飛虎之雷霆極戰》記者會。首度加入《飛虎》系列的馬國明今次是情報科人員：「今次睇劇本我唔算太多動作戲，暫時都只係跟犯人，跟得嚟都要唔好俾人發現。」馬國明透露當初以為要騷身材，豈料角色要有大肚腩：「我哋劇本唔係出咗好多，到開工時候突然有新劇本，原來話我係要大肚腩同體能差，但都冇辦法，都拍緊了。」
提到馬國明、黃宗澤和吳卓羲三人多年來未有合作，馬國明直言上次三人合作已經是十多年前：「應該已經係《衝上雲霄》時候，三人喺同一部劇真係好期待，聽到呢個組合真係好開心。」
提到馬國明最近終於開了微博帳戶，被鄭裕玲形容為「科技白癡」的他細說這次突破的因由：「其實係我同經理人一齊傾，因為係時候要開微博，主要For內地宣傳，佢同我講完咁我OK嘅，我哋三個人咁多年冇合作我就第一張Post呢張相，咁係一個開始，某程度係幫戲宣傳。」而好想「玩得叻」的他便直言暫時不考慮玩Facebook和Instagram。
記者提議馬國明公開他與女友黃心穎的情侶合照「呃Like」，他說：「暫時未諗，私生活相片會比較少，主要都係工作，當我知道點玩好成個流程先處理其他事，其實我一路都冇玩過社交網站，變成我要知道幾時Post乜，因為有啲人好叻。（心穎？）係喇，所以要請教佢哋。」
+1