飛機偶遇球王朗拿甸奴　溫碧霞化身小粉絲求自拍

溫碧霞（Irene）日前由香港飛往南京出席當地一個電動車展。上機後，Irene驚喜發現偶像球星朗拿甸奴與自己乘搭同一班飛機，他更坐在她的後排座位。一向是巴西球迷的Irene開心到即變小粉絲，落機後與助手齊齊同偶像玩自拍。

Irene大讚朗拿甸奴親切隨和，完全沒有架子：「從來冇諗過可以見到偶像真身，仲要咁近距離企我隔離，太開心啦！我哋唔止機上相遇，去到演出場地，又再遇到朗拿甸奴。原來佢同我一齊出席同一個活動，不過大家出場時間唔同，所以冇機會同台，但影到合照已經好滿足，唔可以太貪心。」

Irene更稱南京粉絲超級熱情，當她現身步入會場，已被在場粉絲重重包圍，演唱時場面更加熱爆，大批粉絲衝破保安防線擁到台前爭睹女神風采，Irene感謝南京粉絲支持及愛鍚。