【機場特警】張振朗排骨仔變爆肌男：每日200下掌上壓係基本

張振朗過去一直給人「排骨仔」形象，平日瘦底的他突然唔聲唔聲嚇你一驚，上月在社交網站上公開一張半裸照露出六舊腹肌，成功搖身一變躋身大隻型男行列，令不少網民大呼：唔認得！

張振朗透露自己連續花了兩個月時間，每天歇斯底里地健身，原來是為了在投入拍攝TVB新劇《機場特警》前作準備而鍛鍊：「因為接咗角色，希望可以同呢個職業嘅體格接近一啲。本身做機場特警係比較fit嘅，我無理由咁瘦嘅！雖然都仲爭一段距離，但係都已經盡咗我嘅能力啦。」

張振朗說最辛苦的並不是鍛煉的過程，是要每天工作過後，等到凌晨兩三點時拖著疲累的身軀做gym，更加試過險些暈倒：「因為嗰時我拍緊另一套劇，所以只好收工時間先去做到，所以通常都係喺唔夠瞓嘅情況下做，好挑戰到人體嘅韌性！」他指現在在拍攝《機場特警》時的體力勞動已經很大，所以不再需要額外做gym了：「200下掌上壓已經係機場特警嘅基本需要嚟啦，要兩個鐘頭不斷舉啞鈴，我哋仲要上山下海，又要抬木杉搬車呔，有好多形形式式嘅嘢畀我哋去訓練。」他說雖然過程辛苦，但覺得一切都是值得的。

相信十個有十個健身的人都會吃烚雞胸肉、烚雞蛋等這類高蛋白質的典型「操肌食物」，張振朗當然也不是例外，但在面對美食引誘時，又該如何招架？「開工時夜晚公司都會有啲滷水雞髀，我成日都會要求『宵夜留定兩隻畀我唔該！』我自己再搣晒啲雞皮，攞啲水沖到乾乾淨淨先至食！」他說自己都算有定力依足健身餐單進食，但一星期都會有一餐稍為放鬆一下獎勵自己。

經常拍攝《美女廚房》，豈不是會破壞了需要嚴格遵守的飲食餐單？張振朗反而覺得有「幫助」：「我通常食完《美女廚房》嘅嘢我係會嘔返出嚟，因為難食到嘔啊！不過又可以幫手去到廁所，反而係好咗嘅，哈哈！」

點擊下圖觀看張振朗的爆肌男之路：