【殺手】黎耀祥膝頭受傷繼續開工：你一日未死都要拍啦！

黎耀祥今日（26日）出席保健食品品牌開幕禮，他表示要保持健康體魄除了吃保健食品外，最重要還是要飲食均衡和有充足睡眠。祥仔更說自己被父母訓練到很能「捱苦」：「我爸爸媽媽以前後生嘅時候間唔中會燉一啲藥材湯，我又唔會好抗拒，我都覺得幾好味㗎。」

最近正在忙於拍攝電視劇《殺手》的黎耀祥為劇在兩個月內激減15磅，更努力健身練出6舊腹肌，所以這段時間都努力控制飲食，對喜歡吃東西的祥仔來說很多食物都要戒口：「快餐店嘅炸雞翼、炸雞脾，咩龍蝦海鮮，食得落肚嘅我都鐘意食。」（等殺青可以大吃特吃？）「唔等殺青我已經食㗎啦，一拍完除衫就要食㗎啦，如果唔係會死！」
 

早前拍攝時膝頭受傷要針灸，祥仔稱已經康復了很多：「都係啲韌帶扭傷發炎，唔係太大嘅傷嚟嘅。」他指拍戲受傷當然是家常便飯，身上其實還有多處瘀傷未存癒。要帶傷上陣繼續拍攝？祥仔笑稱：「當然啦，唔好話未好返啦，你一日未死都要拍啦！除非你真係送咗入去證實你拍唔到㗎啫！我哋受傷都要抬返去拍㗎，哈哈！」