【是咁的，法官閣下】連續兩年拍台慶劇　麥明詩：我演技冇進步到

麥明詩（Louisa）今天（25日）出席10月29日首播的無綫劇集《是咁的，法官閣下》宣傳活動，她受訪時坦言劇集獲列為台慶劇令她非常緊張：「我相信呢套劇嘅題材會引起大家共鳴，亦等於好多人會見到我嘅表現，呢方面可能會令大家對我有期望，我估有人想睇到我嘅進步。」

麥明詩上一套出街的劇集已經是一年前的《誇世代》，而《誇》亦是台慶劇，可見公司相當看重她，但她直言這個安排絕對不關自己事：「其實當初拍完《誇世代》緊接拍《是咁的，法官閣下》，所以已經係一年前拍，可能個期就到而家先播啦，仲要啱啱拍嗰排我箍牙，所以對我嚟講挑戰好大，因為口齒不清，但講得太清楚又怕唔自然，所以呢個有啲擔心。」

談到演技，麥明詩笑言自己在這一年間沒有進步到：「努力緊，盡力中，不過演戲呢件事要放鬆心情，因為你太過緊張、太過努力反而唔好，所以今次非常信任劇本同監製，因為佢哋好有心。」提到她在活動中指出觀眾睇完劇集後，便會明白為何當初她放棄做律師而轉去參選港姐，她說：「當然做律師人工高，但要付出工時同工作性質要好大代價，所以你要真係好鍾意呢份工先可以捱得過。」