【法證先鋒IV】傳老婆出軌 黃浩然13年婚姻亮紅燈 ：過去咗喇
撰文：賴家杰
出版：更新：
早前新聞爆出黃浩然太太與一名已婚的廣告製作人私下互傳親密短訊，昨天（24日）黃浩然出席TVB電視劇《法證先鋒IV》造型活動時亦受到傳媒追訪，他亦樂意回應事件........
浩然對於看見這新聞表示不是很生氣：「我回應過其實係一單笑料，但其實係笑料但傷害都好大，始終唔係一單好新聞，咁我自己係呢一行當然唔怕，但譬如大仔，我嘅劇集出街時我個仔都會問我尋日做咗乜，因為佢同學都會睇，會話返畀佢知，我廣告出街佢同學都會傾，變咗我擔心呢類型新聞小朋友會睇到，因為佢哋心智未成熟，消化唔到，家變實驚㗎，當然太太都會唔開心，始終唔係正面事情，自己責任要保護家庭，保護太太，保護小朋友，希望事件唔回應，冇嘢出就最好，啱啱都有人提我12月1號結婚週年，突然諗返起我哋都13年，經歷好多事，呢嗰係小問題，已經過去咗。」
至於事件始末，就是大半個月前，各大傳媒都收到１９頁的告密信，內容是黃浩然太太與男友人在facebook對話的截圖及二人合照，對話內容是否過火，就見人見智，但就相當有玩味，的至於這件事情是為何會傳出來，浩然直言不說了：「唔去考究啦，做好返自己責任，好好咁去保護返佢哋！」
黃浩然夫婦恩愛逐格睇
+3
+16