【開心速遞】尚善接受傻強發展母子戀　幾日後即慘遭狠撇

無綫處境劇《愛．回家之開心速遞》入面的傻強 (馮奕森飾) 暗戀加明戀了熊尚善 (滕麗名飾) 一段日子，終於有突破性的發展！於日前播出的一集，尚善竟然決定接受傻強，同傻強展開了一段母子戀，仲帶傻強返屋企食飯，正式向家人宣傳傻強是她的男朋友，承認了傻強的身份。不過尚善的家人就一致接受不到呢段戀情，尤其是尚善個仔金城安 (周嘉洛飾) 仲因此而差點同老友傻強決裂，覺得阿媽同人有母子戀好羞恥。而觀眾同網民就覺得好好笑，唔止唔抗拒呢對CP，仲睇得好開心。

不過，其實尚善同傻強拍拖實情是想對方的豆芽夢醒，刻意讓傻強融入她的生活及工作，讓傻強自己感受到兩人根本是活在兩個世界的，等傻強自己知難而退，避免絕情地傷害到他，真係用心良苦！而尚善呢一招最後亦成功了，因為一個出土炸彈成為導火線，令傻強主動狠撇她，傻強更是零傷心，轉頭走去結識其他女仔喇。反而潮偉 (袁文傑飾) 於生死關頭向尚善情深表白，令尚善大為感動，網民都好期待兩人可以成為一對。

一齊重溫返尋晚嗰集嘅精彩片段。