【嫁到這世界邊端2】法羅群島搭直昇機好普遍　港女：政府有資助

TVB真人騷《嫁到這世界邊端2》今晚播出的最新一集，港女Belle除了會繼續分享自己與法羅群島老公Rani簡單而甜蜜的新婚生活，還會繼續帶大家探索這個隱世小島。Belle在節目中講到法羅群島由18個主要島嶼組成的島群，居民除了會搭船外，不時都會搭直昇機到隔離島探望朋友，她稱：「215蚊丹麥克朗一個人，即係300蚊港幣左右。呢度咁平，係因為法羅群島政府有資助到直昇機，因為有啲島好遍遠，車係到唔到，一係搭船，另一種就係搭直昇機。（呢度搭直昇機好似搭的士咁？）係呀！」

【嫁到這世界邊端2】港女遠嫁「雷神故鄉」　譚詠麟連讚5次犀利！

節目一出，唔少網民都覺得Belle與Rani相當登對，亦好好奇Belle現在的生活。Belle接受《香港01》訪問時，就透露自己已經找到工作：「我依家喺一間酒店店做receptionist（接待員），同埋一星期上四堂語言班。仲有學緊車，都適應得唔錯呀！」

Belle亦稱Rani亦好努力幫自己適應新生活，她講到：「平時佢會好用心教我做語言班功課。（有冇做過咩令你好感動嘅事？）冇咩特別一件事喎，但我開左個Facebook page 之後好多本來唔識嘅香港人搵我見面。我老公都會好樂意同我一齊招待佢地，開車載佢地玩，帶佢地行山，煮飯畀佢地食，佢都唔介意麻煩。（香港人搵你哋？唔怕麻煩咩？）唔怕呀，好開心。不過，而家通常一兩個月先有一兩個香港人嚟，都OK。可以講下廣東話好親切同埋嚟得呢度嘅香港人大多數都鐘意去特別地方旅行，聽佢地分享學到好多嘢。（驚唔驚節目出咗會香港人會蜂擁而至？）嚟呢度嘅交通唔係好方便，加上唔自駕好難喺度玩，我諗唔會好似冰島咁多人。」