「明日大嶼」填海計劃撐劉德華 肥媽：香港係要發展
撰文：吳子生
出版：更新：
《肥媽年度慈善派對》今晚（22/10）假尖沙嘴舉行，並以「回到70年代」作為主題，肥媽（Maria Cordero)與李麗霞（黑妹姐）以雙妹嘜服飾最為突出。肥媽表示：「我哋本來扮筷子，但點睇都唔似，但我諗清楚我哋其實麵棍，都係一條，只不過係粗啲圓碌碌啲，今晚有最佳服裝我諗我攞硬，呢個裝我哋整咗差不多成兩個鐘，特登喺美國買咗呢對兩對鞋。」旁邊黑妹姐話：「對鞋著咗落去好鬼重，真係大整蠱。」
早前華仔表態支持香港特區政府的「明日大嶼」填海計劃，被一眾網民喝倒采。肥媽直言：「只要你一講政府幫中國，實俾人鬧，俾人鬧好似正常咁㗎，你唔填海喺邊搵地呀，填海唔係淨係使錢，填咗個海再賣地又賺返啲錢嘛，個塊地會再發展賺錢，你唔攞錢出嚟點做生意呢，我覺得香港政府都應該，佢揸住一嚿嚿錢仲乜呀，呢個世界乜嘢都俾人鬧，生個仔又俾人鬧，唔生個女又俾人鬧，唔生仔，又話人哋冇得生，生得多又話人哋肚爛，如果香港再停滯不前點發展呀，好似我哋高鐵神早就應該要通車啦，依家先至通車，會唔會搵少咗啊，如果香港停咗落去，好似一盤死水咁，香港係要發展。」
+1